Çəhrayı rəng - ağ əlavə edilmiş qırmızıdır. Bu rəng müsbət təsirə malikdir. Müəyyən anlarda xarakteri yumşalda və yolagəlimli edə bilir. Həmçinin, aqressiyanı neytrallaşdırır.

Aztibb.az xəbər verir ki, zərif çəhrayı rəngli qızıl gül sevgi və məzlum, itaətkar ehtirasın rəmzidir. Bəzi həbsxanalarda məhbusların aqressiyasını azaltmaq məqsədilə onların oturduğu kameraları çəhrayı rəngə boyayırlar.  

Digər bir nümunə Fransanın klinikalarından birində yaşanıb. Uşaqların yorğan-döşəyinə çəhrayı yataq dəstləri taxıblar. Qısa müddətdə sağalanların sayının artması rəngin təsiri haqqında deyilənlərin həqiqət olduğunu bir daha təsdiqləyib.

Parlaq çəhrayı dodaq boyası da bir başqa cür müsbət reaksiyaya səbəb olur. Eyni rəngli ipəkdən balaca qız donu da tam fərqli reaksiyalar yaradır.

Psixoloqlar belə izah edir ki, çəhrayı rəgli geyinən zaman sizdən təbii enerji gəlir. Amma onun mənfi tərəfləri də var. Çünki, bu rəng həm də zəif xarakterin, əhəmiyyətsizliyin, asılılığın və qeyri-əminliyin rəmzidir.

Bu assosiasiya ona görə formalaşıb ki, çəhrayı rənglə adətən balaca qızları geyindirirlər. Bu isə onların mülayimliyini, sadəlövhlüyünü simvollaşdırır.