Əgər uşağınız həm qarnında ağrıdan, həm də yanında qaşınmadan şikayət edirsə bu qurd deyil, göbələk xəstəliyinin əlamətidir.
Aztibb.az xəbər verir ki, pediatr Aytən İsmayılzadə bu barədə "Instagram" səhifəsində məlumat paylaşıb.
“Yanda qaşınma verən qurd - bizquyruq qurdu qarında ağrı vermir. Qarında ağrı verə bilən askarid qurdu isə yanda qaşınma vermir. Göbələk isə bağırsaq mühitində artarkən onun divarında iltihab yaradır, bu da qarında ağrı, ağızda və nəcisdə pis qoxu, anusətrafı qaşınma, qızartı verir”, – həkim bildirib.
Qeyd edib ki, qurda görə hər ehtimal nəcisin ümumi analizi verilə bilər. Əsas olan rasionda karbohidratı, şəkəri azaltmaqdır. Çunki göbələk şəkərlə qidalanır.
Bağırsağında göbələk məskunlaşmış uşaqların dili də ərpli olur. Dad reseptorları ərp ilə örtülü olduğundan iştahsız olur və yediklərinin dadını yaxşı hiss etmirlər.
