Dermatoveneroloq Sevinc Məmmədova seboreik dermatit xəstəliyinin əlamətləri haqqında "Instagram" səhifəsində məlumat paylaşıb.
Aztibb.az xəbər verir ki, həkimin sözlərinə görə, seboreik dermatit baş dərisi, eləcə də bədəndə piy vəzilərinin üstün olduğu nahiyələrdə inkişaf edən iltihabi xarakterli xroniki dəri xəstəliyidir.
Qeyd edib ki, baş, yaxud üz dərisinin tüklü hissəsində ağımtıl pulcuqlar (kəpək), qalın təbəqə qabıqlar əmələ gəlir. Xəstəliyin inkişafına xarici və daxili faktorlar təsir göstərir.
Daxili faktorlara sinir, hormonal və immun amillər aiddir.
Ailədə və ya nəsildə seboreyalı dermatitdən əziyyət çəkən şəxslərin olması, həddindən artıq tərləmə, dəri piyinin normadan artıq ifrazı, stress, qələvi yuyucu vasitələrindən istifadə, alkoqol qəbulu xarici amillər sırasına daxildir.
