Afrikada Marburq virusunun yayılması diqqət çəkir. Bu, tez-tez ölümlə nəticələnən ciddi bir xəstəlikdir, hələ də peyvənd və ya müalicəsi yoxdur. 

Aztibb.az glas.ru-ya istinadən xəbər verir ki, Marburq virusunun epidemiyası 2023-cü il fevralın ortalarında Ekvatorial Qvineyada təsdiqlənib.

Marburq daha yaxşı tanınan qohumu Ebola kimi filovirusdur. Virus yeni deyil, hələ 1967-ci ildə məlum olub.

Artıq bir neçə Afrika ölkəsində epidemiyalar qeydə alınıb. Marburq qan, ifrazat və ya digər bədən mayeləri ilə birbaşa fiziki təmas (dəri və ya selikli qişaların zədələnməsi yolu ilə) nəticəsində ötürülür.

Marburqun simptomlarına yüksək hərarət, ağır intoksikasiya, şiddətli ishal və qusma daxildir. Həkimlər şiddətli qanaxmanı da qeyd edirlər, qan ən çox qusma zamanı, eləcə də buruda, diş ətində və vaginadan görünür.

 Statistikaya görə, müalicə aparılmadığı halda, orta hesabla virusa yoluxanların təxminən 50%-i ölür.