Ev bitkiləri yalnız otaq bəzəyi və göz oxşamaq üçün deyil, həm də sağlamlığa faydalı ola bilər.  

Aztibb.az sport-express.ru-ya istinadən xəbər verir ki, ev bitkilərinin bəziləri sinir sistemini sakitləşdirir, müsbət emosiyalar verir və hətta havanın keyfiyyətini yaxşılaşdırır. Hər kəs çiçək yetişdirə bilər. 

“Qadın xoşbəxtliyi” kimi də tanınan Spathiphyllum benzol formaldehidi (zəhərli, rəngsiz qaz) udur. Bitki qışda havalandırma da daxil olmaqla qısamüddətli temperatur dəyişikliklərinə asanlıqla dözür. Bu gül pəncərələri Şimala, Qərbə və ya Şərqə baxan otaqlarda yaxşı böyüyəcəkdir. Qışda həftədə bir dəfə, yayda isə həftədə iki dəfə sulayın. 

Aloe fitonsid (mikroorqanizmlərə təsir edən bioloji amil) xüsusiyyətlərinə malikdir. Mətbəxdə və ya qonaq otağında yerləşdirilə bilər. Bitki günəş işığını sevir, ancaq onu birbaşa şüaların altına qoymamalısınız. Aloe üçün Qərb, Şərq və Cənub tərəfləri uyğun gəlir. Orta hesabla həftədə bir dəfə su vermək lazımdı. Aloe yarpaqlarından alınan suyu isə üz və saç üçün maskalarda istifadə etmək olar. 

Ətirşah məşhur ev bitkisi kimi yalnız gözəl deyil, həm də faydalıdır. Ətirşahın qoxusu güvə və ağcaqanadları dəf edir. Bu bitki özünü Cənub tərəfdə daha yaxşı hiss edir. Qışda həftədə bir dəfə, yayda isə həftədə üç-dörd dəfə suvarılmalıdır.