Dünyada məktəbli yaşında uşaqlar arasında depressiya rekord həddə çatıb. Bu, uşaqların sərbəst olaraq az vaxt keçirmələri ilə əlaqədar ola bilər. 

Aztibb.az zdr.ru-ya istinadən xəbər verir ki, məktəblilər arasında psixi pozğunluqların artmasını öyrənən Florida Atlantik Universitetinin alimləri yeni bir problem tapıblar. Uşaqları “boş gəzinti” vərdişlərindən qorumaq üçün valideynlər asudə vaxtlarını öz nəzarətlərinə götürürlər. 

Lakin alimlərin fikrincə, bu, məktəblilərin psixi sağlamlığına mənfi təsir göstərə bilər. Bu səbəbdən açıq hava oyunlarını itirən və öz güclərinə necə güvənməyi unudan uşaqlar özlərinə daha az inamlı və nəticədə stresə daha az davamlı olublar.

“Uşağın real həyata yaxşı uyğunlaşaraq böyüməsi üçün onun müstəqil fəaliyyət imkanlarını daim genişləndirməsi lazımdır”, – tədqiqatçılar bildirib.

Məsələn, hündür ağaca dırmaşma kimi riskli oyunlar uşaqları fobiyaların inkişafından qorumağa kömək edir və fövqəladə halların öhdəsindən gəlmək üçün özünə inamı artıraraq narahatlığını azaldır.