Dodaqların quruması və çatlaması diabet və ya anemiyanın əlaməti ola bilər. 

Aztibb.az news.ru-ya istinadən xəbər verir ki, bununla bağlı teleaparıcı, tibb elmləri doktoru Yelena Malışeva məlumat verib. Onun sözlərinə görə, dərinin qurumasına səbəb qanda şəkərin çox olması və ya dəmir çatışmazlığıdır. 

Bundan əlavə, yuxu zamanı tənəffüsün müvəqqəti dayandırılması, bunun nəticəsində şüursuz ağız nəfəsi belə bir təsirə səbəb ola bilər: “Buna görə də, ilk məsləhət: dodaqlarınızı gigiyenik pomada ilə qoruyun, ancaq unutmayın ki, onun doğru təyinatlı olduğunu yoxlamalısınız”. 

Tərkibində D-pantenol olan gigiyenik pomada dodaqlardakı çatların öhdəsindən gəlməyə kömək edəcək. O, həmçinin pəhrizə alma, tərəvəz və ətin daxil edilməsini tövsiyə edib ki, bu da dəmirin lazımi səviyyədə saxlanmasına faydalıdır.