ÜST-nin epidemioloqu bildirib ki, quş qripi davamlı olaraq bir insandan digərinə sürətlə keçməyə başlayacaq və yeni pandemiya təhlükəsi yaranacaq.
Aztibb.az novostivl.ru-ya istinadən xəbər verir ki, bu açıqlama ÜST-ün epidemioloqu Riçard Pibodinin bəyanatında yer alır.
Alimin fikrincə virusların ardıcıllığını öyrənmək, dəyişiklikləri izləmək, onlara qarşı vaksinlər yaratmaq lazımdır. O, bildirib ki, çoxlu sayda ev və çöl quşlarının tələf olmasına səbəb olan “quş qripi” virusunun xüsusi növü A (H5N1) ilə bağlıdır.
R.Pibodi həmçinin küçədə tapılan ölü quşlara və digər heyvanlara toxunmamağa çağırıb.
Quş qripi əksər hallarda H5N1 virusunun ştammıdır. Bütün dünyada yayılmış və onların kütləvi ölümünə səbəb olan quşların xəstəliyidir. Quşlardan başqa, digər heyvanlar da, insanlar da ona yoluxa bilər. Virusun bir şəxsdən digərinə ötürülməsinin ayrı-ayrı hallarına dair sübutlar da var.