Təhlükəsiz hesab edilən bu dadlaşdırıcı ürək xəstəliyi riskini artıra bilər, beynəlxalq alimlər qrupu açıqlayıb. 

Mütəxəssislər araşdırma apardıqdan sonra müəyyən ediblər ki, şəkər xəstələri üçün məhsullarda istifadə edilən məşhur şəkər əvəzedicisi - Eritritol qan laxtalanma ehtimalını 80% artırır. Bu isə insult və infarktın inkişafı deməkdir. 

Aztibb.az xəbər verir ki, tədqiqatın nəticələri “Nature Medicine” jurnalında dərc olunub.

Eritritol və digər dadlaşdırıcıların üç il ərzində 4000-dən çox insanın ürək-damar sisteminə təsiri izlənilib. Bu müşahidələr göstərib ki, tədqiqat iştirakçılarının bədənində Eritritolun yüksək konsentrasiyası infarkt və insult da daxil olmaqla ağır ürək xəstəliklərinin inkişaf riskini 80% artması ilə əlaqələndirilir. 

Dadlaşdırıcı zəif metabolizə olunur, bədəndə toplanır. Təcrübələr zamanı müəyyən edilib ki, Eritritolun bir dozası belə qan laxtalanmasını bir neçə dəfə artırır.