Faydalı elementlərlə zəngin olan Siyənək bir çox insanın sevimli məhsuludur.  

Aztibb.az riafan.ru-ya istinadən xəbər verir ki, bəzi insanlara bu balığı yeməkdən çəkinmək tövsiyə olunur, mütəxəssislər xəbərdarlıq edib. 

Məhsulun tərkibində protein, A, D, E və K vitaminləri, dəmir, yod və Omeqa-3 turşuları var.  

Ən təhlükəsiz seçim təzə balıqdır. Duzlu formada, çox yüksək natrium tərkibi ilə xarakterizə olunduğundan Siyənək hipertoniya, ateroskleroz xəstələri, həmçinin hamilə və ya uşaq əmizdirən qadınlar üçün tövsiyə olunmur. 

Mütəxəssislər bildirib ki, Siyənək allergiyaya da səbəb ola bilər. Dəniz məhsullarına bədən reaksiyaları mənfi olan insanlar diqqətli olmalıdırlar.