Bəzən ünsiyyət zamanı maskanın arxasında kimin gizləndiyini belə bilmirik. Həssas, xeyirxah insandı ya aqressiv psixopatdı? Alimlər birini digərindən necə ayırd ediləcəyini tapıblar. 

İsveçrənin Bern Universitetinin alimləri destruktiv (neqativ xarakterli) insanların və psixikasında hər şeyə sahib olanların ünsiyyət zamanı və ya sadəcə cəmiyyətdə necə davrandıqlarını öyrənmək qərarına gəliblər.  

Aztibb.az xəbər verir ki, tədqiqatın nəticələri “Plos” jurnalında dərc olunub. 

Bunun üçün tədqiqatçılar 120 nəfərdən ibarət bir qrup tələbə toplayıblar. İştirakçılar müəyyən fotoşəkilləri izləyiblər, daha sonra onlar şəxsiyyət xüsusiyyətlərini qiymətləndirməyə yönəlmiş sorğuya cəlb olunublar. 

Anketlərdə psixopatologiyanın müxtəlif aspektləri, o cümlədən sosial narahatlıq, depressiya, empatiya, aleksitimiya (emosiyalarını təsvir edə bilməmə) dair suallar da yer alıb.

Nəticələri təhlil etdikdən sonra elm adamları öyrəniblər ki, bir qisim iştirakçılar fotoşəkillərdəki şəxlərin üz ifadələrini izlərkən hər şeyi ətraflı öyrənmək üçün şəkillərə mümkün qədər yaxından baxıblar.  

Onlar empatik (empatiya qurmağı bacaran), pozitiv və xeyirxah insanlardır. 

Depressiyada olan, narahat və nevrotik iştirakçılar isə üzlərə çox diqqət yetirməyiblər. Onlar insanlara baxmaqda maraqlı deyildilər.

Elm adamları bunun səbəbini sosial narahatlıq, depressiya, özünün və başqalarının hisslərini qəbul edə bilməməkdə görüblər.