Valideynlərin əksəriyyəti yalnız övladı ağır xəstə olduqda həkimlərə müraciət edir.  

Aztibb.az xəbər verir ki, bunu müxtəlif vaxtlarda aparılan sorğuların nəticələri göstərib. Valideynlərin həkimə müraciət etməyi zəruri hesab etmədiyi əlamətlər arasında öskürək, burun axması və temperaturun qalxması kimi xəstəliklər yer alır.   

Uşaqların müalicəsində valideynlər ən çox yayılmış xalq təbabəti müalicə üsuallarından daha geniş istifadə edirlər. Daha çox qəribə simptomlarla rastlaşdıqda, məsələn, heç bir səbəb olmadan və müəyyən edilməmiş allergiya, çəhrayı ləkələr və digər bu kimi hallarda valideynlər uşaqları həkimə aparır. 

Mütəxəssislər bildiri ki, bəzi uşaqlarda immunitet çatışmazlığı halı ola bilir. Əgər uşaqlar tez-tez xəstələnirsə, bu zaman onu həkim yoxlamasından keçirmək tövsiyə edilir.   

Çox vaxt yataqdan, arabadan yıxılan uşağı valideyn sakitləşdirməklə kifayətlənir, həkim müayinəsi etdirmir. Bu zaman uşağın beynində, yaxud digər orqanlarında gedən proseslərdən xəbərsiz qalır. Vaxtı ilə aldığı travma uşağı inkişafdan saxlayır. Valideynlərin səhlənkarlığı səbəbindən körpənin gələcək həyatı əlil olaraq davam etməyə məhkum olur. 

Yaxud valideynlər qız uşaqlarını ginekoloq müayinəsinə aparmağı vacib hesab etmir. Yaşa dolduqca, gələcəkdə belə uşaqlarda bir sıra ginekoloji patalogiyalar özünü biruzə verir.  

Valideynlər unutmamalıdırlar ki, yol verdikləri səhvlər uşaqlarda ciddi xəstəliklərə yol aça bilir.