Texas A&M Universitetinin ictimai səhiyyə professoru Cey Maddok sağlam qalmaq və ümumiyyətlə həyatınızı yaxşılaşdırmaq üçün 50 yaşdan sonra etməli olduğunuz dörd şeyi qeyd edib. 

Aztibb.az theconversation.com nəşrinin məlumatına əsasən xəbər verir ki, mütəxəssisin fikrincə, bu yaş ərəfəsində kolonoskopiyadan keçmək lazımdır. Bu, düz bağırsağın və kolonun müayinə olunduğu bir prosedurdur. Xərçəngi erkən mərhələdə aşkar etməyə imkan verir. 

Siz həmçinin şingle (herpes zoster) xəstəliyinə qarşı peyvənd almalısınız. Professor qeyd edib ki, insan suçiçəyi ilə xəstələndikdən sonra bu xəstəliyin virusu ömürlük orqanizmdə qalır və şingle şəklində özünü göstərə bilər. Xəstəlik adətən həyat üçün təhlükə yaratmır, lakin çox ağrılı ola bilər və insult riskini artırır. 

Bundan əlavə, pensiya əmanətləri ilə əvvəlcədən məşğul olmaq lazımdır. Ola bilər ki, bir şəxs planlaşdırıldığından daha tez təqaüdə çıxır. Təqaüddə rahat olmaq üçün əvvəlki gəlirinizin ən az 80 faizinə sahib olmalısınız. Bu, müxtəlif gəlir mənbələrini əhatə edə bilər.

Bundan əlavə, pulunuza qənaət üçün endirimlərdən faydalanmalısıznız. Həmçinin, 50 yaşdan sonra bir vəsiyyətnamə, yaxud erkən etibarnamə hazırlamaq lazımdır.