Smartfonların bir çox insanın gecə yatmazdan əvvəl ən son baxdığı və səhər oyananda ilk baxdığı şeyə çevrildiyinin fərqindəsinizmi? 

Aztibb.az cnnturk.com-a istinadən xəbər verir ki, son illərdə artan fizioloji və psixoloji problemlərin səbəbləri arasında xüsusilə gecələr rahat yata bilməmək, səhər yorğun oyanmaq böyük yer tutur. 

Səhər ilk oyandığınız zaman beyniniz dərin yuxu zamanı meydana gələn delta dalğalarından, xəyal qurmaq vəziyyətində meydana gələn teta dalğalarına keçir. Beyin daha sonra oyaq olduğunuz zaman, lakin rahat olduğunuzda və çox məlumat emal etmədiyiniz zaman alfa dalğaları yaratmaq üçün hərəkət edir. 

Bu zaman etdiyiniz ilk şey telefonunuzu götürüb birbaşa onlayn dünyaya dalmaq, bədəninizi vacib teta və alfa fazalarını atlatmağa, yaxud ayıq olmağa məcbur etməkdir. 

Səhərə daha müsbət bir şəkildə başlamaq üçün bir neçə ipucu: 

Yatmazdan əvvəl telefonunuzu təyyarə rejiminə qoyun. Oyanan kimi sizi mesaj və ya bildirişlər qarşılamayacaq. Daha yaxşısı, telefonunuzu söndürə və klassik zəngli saatdan istifadə edə bilərsiniz. Beləliklə, siz bu vəsvəsəni demək olar ki, tamamilə aradan qaldırmış olarsınız. Səhər vaxtı daha konstruktiv fəaliyyətlər üçün istifadə etməyi düşünün. Məsələn, idman etmək, ailə ilə vaxt keçirmək, musiqi dinləmək və ya sənət əsərinə baxmaq.