Spirtli içkiləri sevən qadınlarda Fetal Spirt Sindromunun olması problemli hamiləlik riskini artırır. Hətta spirt kiçik dozalarda belə təhlükəlidir. 

Aztibb.az zdr.ru-ya istinadən xəbər verir ki, bu sindrom uşağın inkişafında ömür boyu davam edə bilən anadangəlmə psixi və fiziki qüsurların birləşməsində özünü göstərir. 

Əvvəllər belə hesab olunurdu ki, bu problem yalnız xroniki alkoqol asılılığı olan anaların uşaqlarına təsir edə bilər. 

Tədqiqatçılar süni intellektin köməyi ilə doqquz yaşında çəkilmiş 3000-dən çox uşağın fotokadrlarını təhlil edib və sonra onları analarının hamiləlikdən əvvəl və hamiləlik zamanı alkoqol qəbulu ilə bağlı məlumatları ilə müqayisə ediblər. Alkoqolun əhəmiyyətli təsiri hamiləliyin bütün dövrlərində və xüsusilə hamiləliyin ilk trimestrində aşkar edilib.

Fetal Spirt Sindromu olan uşaqlar böyüdükcə xarici mühitin təsiri altında üz cizgiləri tədricən dəyişir. Tədqiqatın nəticələri şərh edilərək, vurğulanıb ki, hamiləlik dövründə spirt istehlakının müəyyən edilmiş təhlükəsiz səviyyəsi deyə bir şey yoxdur. Xüsusilə, uşaq planlaşdırma mərhələsində ən doğru olan spirtdən tamamilə uzaq durmaqdır.