Təzə meyvə və tərəvəzlərin antioksidant baxımından zəngin olduğu məlumdur. Bununla belə, ümumi yanlış təsəvvürün əksinə olaraq, onlar ətdə də mövcuddur. Məsələn, E vitamini (alfa-tokoferol).  

Aztibb.az zdr.ru-ya istinadən xəbər verir ki, yeni araşdırmada mal, toyuq və donuz ətində daha çox antioksidantın olduğu müəyyənləşib. 

Osaka Paytaxt Universitetinin alimləri kütləvi spektrometriya metodundan istifadə edərək, ilk dəfə olaraq ətin tərkibində təkcə imidazol dipeptidləri – İDP (orqanizm üçün faydalı birləşmə) deyil, həm də onların ən yaxın "qohumlarının" olduğunu aşkar ediblər.  

Bu birləşmələr yüksək antioksidant fəaliyyətə malikdir və ağır metal ionlarını bədəndən çıxara bilir. İmidazol tərkibli dipeptidlərin yalnız heyvan toxumalarında, xüsusən də skelet əzələlərində və sinirlərində tapıla biləcəyini nəzərə alsaq, ət məhsullarının pəhrizdən tamamilə çıxarılması fikri elm adamlarına çox əsassız görünür. 

Bununla belə, istehlak edilən ətin miqdarını aşmamalısınız və bağırsaq xərçəngi riskinin artması səbəbindən emal edilmiş ət məhsullarından – kolbasa, sosisdən tamamilə yan keçməlidir.