Tərəflər sevgi hissləri yaşamağa başlayanda bədəndə əsl hormonal partlayış baş verir və onun nəticələri mütləq nəzərə çarpacaq dərəcdə orqanizmdə özünü göstərir.  

Aşiq bir insan dünyaya fərqli baxır, onu incitmək o qədər də asan deyil, o, az yatır, az yemək yeyir və bütün boş vaxtını ehtiras və incə hisslər obyektinə həsr etməyə çalışır. İnsanları bu cür emosiyalar bürüdükdə bunu başqalarından gizlətmək mümkün deyil. Təəccüblü deyil ki, cütlüklər haqqında deyirlər: "Bax, onlar daxilən parlayırlar." 

Əlbəttə ki, aşiq olmaq sağlamlıq vəziyyətinə təsir etməyə bilməz. Məsələn, belə olduqda sevgi insana müsbət düşünməyə, daha ağıllı olmağa, hətta əlavə çəkidən qurtulmağa kömək edir.

Aztibb.az doctorpiter.ru-ya istinadən xəbər verir ki, gözəl hisslə bədənimiz emosiyalarımıza, davranışlarımıza və ümumilikdə sağlamlığımıza müsbət təsir edən bir çox hormonlar istehsal edir. 

Həkim-terapevt, endokrinoloq, kardioloq Aleksey Jito aşiqlərin bədənində istehsal olunan 5 hormonu sadalayıb: 

Dopamin - Bu neyrohormon adətən əlaqə yeni başlayanda aktiv şəkildə istehsal olunmağa başlayır. 

Serotonin - Sözdə zövq hormonu. Serotoninin bədənimizdəki ən vacib funksiyası beyin qabığında yaranan əhval-ruhiyyənin yüksəldilməsidir.  

Adrenalin - Bu hormon biz qorxduqda qana buraxılır, bizə indiki vəziyyətə uyğunlaşmaq imkanı verir. 

Endorfin - Sevgi obyekti ilə fiziki təmasda, məsələn, qucaqlaşmaq və öpüşməklə əmələ gələn hormondur.  

Oksitosin - Bu incəlik və sevgi hormonudur. Sosial davranışın tənzimlənməsində mühüm rol oynayır. Bu hormonun istehsalı sevgililərdə münasibətlər qarşılıqlı sevgi və bir-birinə güvən mərhələsinə keçəndə baş verir.  

“Təbii ki, aşiq və xoşbəxt olduğumuz zaman istehsal olunan daha çox hormonlar var, lakin bu beş hormon daha mühümdür. Əsas çatdırmaq istədiyim odur ki, sevgi hormonları nə qədər çox istehsal olunarsa, orqanizmimiz üçün bir o qədər yaxşıdır. Buna görə də, sevin və sağlam olun”, - həkim Aleksey Jito bildirib.