Londonda aparılan bir araşdırma havanın çirklənməsinin yeniyetmələrdə aşağı təzyiqə səbəb ola biləcəyini ortaya qoyub.
Aztibb.az haberturk.com-a istinadən xəbər verir ki, ingilis alimləri havanı çirkləndirən 2,5 mikrometrdən kiçik maye və ya bərk hissəciklərə, eləcə də yüksək səviyyədə azot dioksidinə məruz qalmanın gənclərdə aşağı təzyiqə səbəb olduğunu müəyyən ediblər.
Araşdırmaya 3200-dən çox gəncin cəlb edildiyi və gənclərin yaşadıqları yerlərdə illik havanın çirklənməsi hesabatlarının qiymətləndirildiyi açıqlanıb.
Çirklənməyə səbəb olan zərrəciklər tənəffüs yolu ilə orqanizmin müdafiə sistemini keçərək ağciyərlərə dolur, daha sonra nəfəsvermə ilə xaric olunmadığından bədənə qarışır.
Bildirilib ki, bu hissəciklər qıcıqlanma və iltihaba səbəb olur, nəticədə bir çox sağlamlıq problemlərinə yol açır.
Araşdırmada qeyd olunub ki, hissəciklərin çirklənməsinə məruz qalma insanın qan təzyiqinə də təsir edə bilər. Çirklənmə ilə böyrəklər gün ərzində natrium filtrasiya qabiliyyətini azalda bilər, bu da gecə qan təzyiqinin yüksəlməsinə səbəb olur.