Psixoloq Devid Luddenin sözlərinə görə, araşdırmalar göstərir ki, qadınların cinsi istəyi daha azdır, ömür boyu daha az cinsi partnyor istəyir və kişilər kimi bir gecəlik münasibətə açıq deyil. 

Aztibb.az posta.com.tr-yə istinadən xəbər verir ki, D.Ludden qadınların cinsi münasibətə daha az həvəs göstərməsinin arxasında sosial səbəblərin ola biləcəyini deyib. 

Bir çox cəmiyyətlərdə və ailələrdə oğlanlar yeniyetməlik dövründə cinsi əlaqəyə təşviq edilir. Qızlarla bağlı isə vəziyyət əksinə olur.  

O,  "Psychology Today" üçün yazdığı məqalədə bəzi psixoloqların bunun irsi səbəblərdən qaynaqlandığını iddia etdiyini bildirib. 

Cinsi münasibətə meyl qadınların hamilə qala biləcəyi narahatlığı ilə də bağlıdır.  

Miçiqan Universitetinin psixoloqları Terri Konley və Verena Klein isə bu qənaətə gəliblər ki, qadınlar seksdən daha az həzz aldığı üçün cinsi münasibətə maraq göstərmirlər. 

Məqalədə qadınların bir gecəlik münasibətdən qaçmalarının əsas səbəblərindən biri kimi “mümkün təhlükə” göstərilir.