Qrip epidemiyası martda bitəcək. 

Aztibb.az gazeta.ru-ya istinadən xəbər verir ki, bu proqnozu Sinerji Universitetinin tibb fakültəsinin eksperti, tibb üzrə fəlsəfə doktoru Yevgeni Maşkovski verib. 

Alim bildirib ki, qrip epidemiyası fevraldan sonra azalacaq və martda başa çatacaq: “Bu il epidemioloji mövsümün daha uzun davam etməsi üçün heç bir ilkin şərt yoxdur. Biz fevralın sonuna insidentlərin azalacağını gözləyirik”. 

O qeyd edib ki, qışın sərt keçməməsi qripin kütləvi yayılmasına səbəb olub. Həm insanlar profilaktik tədbirlərə az diqqət yetirirlər... Qriplə yanaşı, başqa viruslar da dövriyyədədir. Məsələn, rinoviruslar bir sıra  viruslarla simptomları oxşar olan adenoviruslardır. 

Qeyd edilib ki, qripin ilk əlamətlərində insanlar spirtli içki qəbul edir və ya hamama gedirlər. Bu, səhvdir.