Ayaqlarınızı isti vannada saxlamağa dəyərmi, başmaqsız gəzmək zərərlidirmi və sarımsaqdan hazırlanmış boyunbağı infeksiyalardan qoruyurmu?  

Aztibb.az medportal.ru-ya istinadla xəbər verir ki, pediatr, allerqoloq-immunoloq B.Aleksey xəstəliklərin qarşısının alınmasının xalq üsullarını müasir tibb nöqteyi-nəzərindən təhlil edib. 

Əgər sizdə SARS-ın ilkin əlamətləri varsa ayaqlarınızı xardal tozu əlavə edilmiş isti suda saxlamaq tibbi baxımdan tamamilə mənasız bir prosedurdur. Virus bədənə daxil olubsa, bu üsul virus və ya bakteriyanı qovmağa kömək etməyəcək.  

Bu cür prosedurlar sadəcə diqqəti yayındırır 

Yeri gəlmişkən, kürəyinizə banka qoymaq, xardal plasterləri yapışdırmaq və bəzi bu kimi üsullar diqqəti yayındıran prosedurlardır. Onlar heç bir şəkildə sizi, yaxud uşağınızı infeksiyalardan qorumayacaq və ya müalicə etməyəcək, onların mənası diqqəti yayındıraraq, psixoloji baxımdan bir insanın vəziyyətini yüngülləşdirməkdir.  

Valideynlərdən uşaqlarına xatirə 

Maraqlı bir fakt ondan ibarətdir ki, Piter Higerin uşaq dermatologiyasına dair dərsliyində, uşaqlara qarşı zorakılığa həsr olunan bölmələrdən birində gənc pediatrlara belə bir tövsiyə edir:  

“Gənc pediatrlar postsovet ölkələrinin sakinlərinin  kürəyində, belində konkret izlər müşahidə etsələr, təşvişə düşməsinlər. Bu uşaqlara işgəncə əlamətləri deyil, sadəcə müalicədə banka və ya xardal plasterlərdən faydalanan valideynlərdən uşaqlarına xatirə izlərdir”.