Seboreya xəstəliyi saç diblərinin kəpəklənməsi, qaşınması və ən əsası da saçların nazilərək tökülməsi ilə gedən xroniki dəri xəstəliyidir. Müalicəyə çətin tabe olsa da onu atpıtrağı bitkisinin köməyi ilə aradan qaldırmaq olar.

 

Həkim bildirib ki, atpıtrağının kökləri yığılır, ətçəkən maşından keçirilir və saç diblərinə çəkilir, 2 saatdan sonra ilıq su ilə yuyulur. Proseduru 20 gün, gündə bir dəfə apardıqda seboreya əlamətləri zəifləyir, saç tökülməsi dayanır, saç diblərindəki qızartı və səpgilər müalicə olunur.

 

"İstifadə zamanı səpgi və qaşıntının artması bu bitkiyə qarşı fərdi allergiyanın olduğunu göstərir və bu zaman istifadə dayandırılmalıdır", - deyə fitoterapevt əlavə edib.

 

Fizuli Hüseynov saç dibinin seboreyası olanlara başqa bir resept də təqdim edib. O, hər dəfə yuyulmazdan 2 saat əvvəl saçlara tipinə uyğun olaraq rəngsiz, şabalıdı və ya qara Fitoton xınası qoymağı məsləhət görüb. Vurğulayıb ki, şabalıdı və qara xınalar sadəcə çalar verir, tam boyamır, lakin müalicəvi effekti rəngsiz xınadan çoxdur.