Həkimlər pasiyentlərə təyin olunan steroid preparatların onların xəstəliyi ilə əlaqəsini tam izah etsələr belə, ictimaiyyətdən toplanan informasiyalara əsəslanan pasiyentlər steroidi qəbul etməkdən imtina edirlər.

 

Növbəti müayinədən ya tam imtina edirlər, ya da “bəlkə bunun yerinə ayrı dərman yazasız?” deyə narazı baxışlarla müraciət edirlər.

 

Mütəxəssislər tövsiyə edir ki, bunun üçün xəstələri düzgün məlumatlandırmaq, xəstəliyin hansı mərhələsində bunun qəbulunun vacibliyini, dərmanın düzgün dozlanma qaydasını, düzgün kəsilmə qaydasını, dərmanın qəbulu zamanı xüsusi pəhrizə riayət etmələrini onlara geniş izah etmək lazımdır.

 

Xəstədə həkimə və dərmana olan əminlik artarsa və həqiqətən tələb olunan, düzgün dərman təyin edilərsə, həm xəstələr, həm də həkimlər nəticədən məmnun qalarlar.