“Ötən il may ayında koronavirusa yoluxma sayında artım müşahidə edildi və müəyyən tədbirlərə gedildi. İndiki durum fərqlidir. Bır sıra faktorlar var ki, infeksiyanın yayılmasının qarşısını alır”.

Bunu baş infeksionist Təyyar Eyvazov "Yay aylarında COVID-19" mövzusunda çıxışında deyib.

O bildirib ki, pandemiyanın ilk günlərində koronavirus haqqında məlumat az idi. İndi bir çoxları xəstəliyin ciddiliyə inanır, müvafiq qaydalara ciddi əməl edirlər: “Əhalinin maariflənməsi infeksiyanın yayılması şəraitinə təsir edib. Digər faktor odur ki, infeksiyaya qarşı həssaslıq itib. Həmçinin immunitet əldə etmiş şəxslər hesabına və vaksinasiyaya görə, günü-gündən infeksiyaya qarşı həssas olanların sayı azalır. Bu gün ona görə yoluxma hallarının azalmasını görürük”.