Krım-Konqo qızdırması ilə koronavirusun ümumi xüsusiyyətlərinin olması gündəmdə müzakirə edilməkdədir.

Aztibb.az xəbər verir ki, sipmtomlar arasında ümumi, oxşar xüsusiyyətlər varsa belə, bu xəstəlikləri ayıran ən vacib əlamət Krım Konqosunda qanaxmanın olmasıdır.

“Onların oxşar cəhətləri var. Məsələn, həm koronavirus, həm də Krım-Konqo xəstəliyində hərarət, halsızlıq və geniş yayılmış oynaq ağrılarını görə bilərik. Krım-Konqo xəstələrində digərindən fərqli əlamət qanaxmadır” , – deyə bildirilib.

Bu əlamət  dəridə qırmızı və bənövşəyi ləkələrin olması, burun, diş əti qanaması, öskürən zaman və sidikdə qan müşahidə edilməsi ilə bilinir. Koronavirus xəstəsində isə bunlara rast gəlmək mümkün deyil.

Krım-Konqo hemorragik qızdırmasına yoluxma əsasən gənə dişləməsi zamanı, yoluxmuş heyvanların qanı və digər bioloji mayelərlə sıx təmas nəticəsində baş verir. Yoluxmanın üçüncü gündən sonra qanaxma müşahidə olunur,  təxminən 5 gün ərzində simptomlar tamamilə yox olur.