Omikron, digər COVID-19 variantları və qrip: Fərqlər və oxşarlıqlar nələrdir?

Omikron, digər COVID-19 variantları və qrip: Fərqlər və oxşarlıqlar nələrdir?

02.01.2022 15:16

Qrip mövsümünün gəlişi ilə insanlar “koronavirusa yoluxdum, yoxsa qrip oldum?” sualını özlərinə tez-tez verirlər.

Bəs qrip və Omikron variantı arasında hansı fərqlər var? Koronavirusun digər variantları ilə oxşarlıqları hansı əlamətlərdir?

Aztibb.az qrip, Omikron və koronavirusun digər varintlarının sipmtomları barədə oxucuları ilə paylaşır.

Bronxlarda və ağciyər toxumasında Omikron variantının irəliləməsini araşdıran elm adamları bu xəstəliyin yüngül keçdiyini bildiriblər. Qeyd eilir ki, koronavirusun əsas əlamətləri arasında öskürək, yüksək hərarət, dad və qoxu hisslərinin itməsi halları sıx rast gəlinir.

Bel ağrısı və boğazda qaşınma

Ekspertlər onu da izah etdilər ki, Omikron variantında ən çox görülən simptomlar bel ağrısı və boğazda qaşınmadır. Bu iki əlamətin soyuqdəymə ilə birgə baş verə biləcəyini dilə gətirən mütəxəssislər, bu şikayətləri yaşayanlara müayinə olunmaları üçün xəbərdarlıq edir.

Ən çox görülən əlamətlər

Omikron variantında ən çox rast gəlinən əlamətin boğazda qaşınma olduğunu qeyd edən mütəxəssislər bunun ardınca burun tutulması, quru öskürək və bel ağrılarının gəldiyini bildiriblər.

Bundan başqa, Omikron simptomlarından birinin də gecə tərləmələri olduğu ifadə edilib.

"Delmikron" xəbərdarlığı

Omikron və Delta mutasiyalarının birləşməsindən ibarət olan "Delmikron" variantının narahatlıq doğurduğuna işarə edən səhiyyə rəsmiləri kollektiv fəaliyyətləri idarə edə bilməsək "Delmikron"un 2022-ci ildə kabusa çevrilə biləcəyini xəbərdarlıq ediblər.

OMIKRONUN ƏLAMƏTLƏRİ

Yorğunluq, bədən ağrıları, baş ağrısı asqırma, gecə tərləmələri, dadbilmə və qoxubilmə itkisi, yüksək hərarət.

QRİPİN ƏLAMƏTLƏRİ

Burun axması, boğaz ağrısı, baş ağrısı, yorğunluq, quru öskürək, əzələ ağrıları, 3-5 gün davam edən qızdırma.

KORONAVİRUSUN ƏLAMƏTLƏRİ

Qoxu və dadbilmə itkisi, yanğı, öskürək, zəiflik, oynaq ağrıları, boğaz ağrısı, baş ağrısı, ishal, əllərin və ayaq barmaqlarının dəri döküntüsü və ya rəngsizləşməsi, gözlərdə qızartı və ya qıcıqlanma.