Mütəxəssislər yaz-yay günlərində istilik səbəbindən nəmlənən maskaların tez-tez dəyişdirilməli olduğunu söyləyirlər.

Aztibb.az xəbər verir ki, alimlər koronavirusun əsas yoluxma yolunun damcı vasitəsiylə olduğunu bildirirlər: “Qapalı və çox sayda insanın olduğu məkanlarda infeksiyaya yoluxma ehtimalı daha yüksəkdir. Açıq havada və az insanın olduğu mühitdə isə bu ehtimal olduqca aşağıdır. Belə olan halda, hətta maska taxmaq da vacib deyil. Həm maskalardan istifadə müddəti haqqında da dəqiq məlumat vermək olmur”.

“Maska nəm olduqda dəyişdirmək lazımdır. Çünki nəmlənmiş maskalar artıq qoruyucu bir xüsusiyyətə sahib olmur. Hər dəfə islandıqda yenisi ilə əvəz edilməlidir. Nəzərə alsaq ki, temperatur da mövsümi normalara uyğun deyil, əksinə çox yüksəkdir, buna görə maskada nəmlənmə sürətlə baş verir. Bu vəziyyətdə qoruma keyfiyyəti azalır. Xüsusilə adamların sıx olduğu məkanlarda maskanı tez-tez dəyişmək lazımdır ”, - deyə alimlər vurğulayır.