İyunun 1-dən etibarən Qazaxıstanda peyvənd olunanlara arayış veriləcək.

Aztibb.az yerli KİV-ə istinadən xəbər verir ki, Qazaxıstanın dövlət sanitar baş həkimi Yerlan Kiyasov, COVID-19-a qarşı peyvənd olunan vətəndaşların bu il iyunun 1 –dən etibarən arayış ala biləcəyi haqda qərar imzalayıb.

Bundan başqa tibb müəssisələri tərəfindən iyulun 1-dən Qazaxıstan vətəndaşlarının xaricdə peyvənd vurulmasını təsdiqləyən sənədlər təqdim etdikdən sonra ümumi məlumat bazasına daxil ediləcək.
Səhiyyə Nazirliyinin məlumatına görə, Qazaxıstanda mayın 30-na olan məlumata görə koronavirus peyvəndinin ilk komponenti vurulanların sayı 2,1 milyondan çoxdur.

Qeyd edək ki, hazırda ölkədə üç adda peyvənd - Rusiyanın "Sputnik V", Qazaxıstanın “QazVac” və BƏƏ-nin “Hayat-Vax” şirkətinin istehsal etdiyi Çin peyvəndindən istifadə olunur. Vaksinasiyaya gələnlər hansı peyvənddən istifadə olunmasını özləri seçir, vaksinasiya ölkə daxilində pulsuz həyata keçirilir.