“Yeni növ koronavirus (COVID-19) əleyhinə Çin istehsalı olan "Sinovac" vaksininin tətbiq edilən digər vaksinlərdən daha az yan təsirləri var”.

Aztibb.az xəbər verir ki, bunu Gürcüstanın Xəstəliklərə Nəzarət və İctimai Sağlamlıq Milli Mərkəzinin direktoru Amiran Qamkrelidze deyib. Bildirib ki, ÜST-ün vaksinlə bağlı ilkin qiymətləndirməsində onun "kifayət qədər yaxşı" olduğu qeyd olunub.

A. Qamkrelidze əlavə edib ki, dünyada 100 milyondan çox adamın peyvəndlənməsində istifadə edilən "Sinovac" vaksininin Gürcüstanda tətbiqinə gələn həftədən başlanılacaq.

Qeyd edək ki, Çin ötən ay Gürcüstana 100 min doza "Sinovac" vaksini hədiyyə edib.