Koronavirusa yoluxan uşaqlarda güclü böyrək ağrısı olur.

Aztibb.az-ın məlumatına görə, bunu pediatr-infeksionist Aytən Ziyadova deyib. Onun sözlərinə görə, bu cür hallar koronavirusun ikinci dalğasında daha çox müşahidə olunurdu:

"Klinikaya daxil olan uşaqlarda böyrək ağrısı müşahidə olunurdu. Onların ilkin tibbi müayinəsi zamanı müəyyən olunur ki, koronavirus səbəbindən uşaqların böyrəklərində belə ağırlaşmalar müşahidə edilir.

Bundan əlavə, səpki, dodaqlarda şişmə, ödəm, gözlərdə qızartı və bu kimi klinik əlamətlərlə gələn uşaqların ümumi məlumatlarını sorğulamaqla ailədə COVID-19 olub-olmadığı barədə məlumat alırıq. Daha sonra bu müayinələr əsasında müalicə təyin olunur".