İran Çindən əlavə 1 milyon doza peyvənd alaraq əhalinin vaksinasiyasını davam etdirəcək.

Aztibb.az xəbər verir ki, bu sözləri Prezident Həsən Ruhani Nazirlər Kabinetinin iclasında deyib. Onun sözlərinə görə, yaxın zamanda İran öz istehsalı olan peyvəndlərdən də istifadə edəcək.

İran ilə Rusiya arasında 2 milyon doza “Sputnik V” peyvəndinin alınması haqqında razılıq əldə edilib. Lakin bu günə kimi İrana cəmi 700 min doza peyvənd göndərilib. Buna görə də İran Çindən də peyvənd almaq qərarına gəlib.

İran mütəxəssislərinin hazırladıqları “Fəxrə” peyvəndi klinik sınaqdan uğurla keçib. Könüllülər üzərində aparılan sınaq nəticəsində məlum olub ki, peyvənd koronavirusun orqanizmdə çoxalmasına imkan vermir və onu məhv edir.