"Pfizer" şirkətinin baş direktoru Albert Bourla COVID-19 dərmanının 2021-ci ilin sonuna qədər satışa çıxarılacağını bildirib.

Aztibb.az medimagazin.com.tr-yə istinadla xəbər verir ki, A.Bourla "PF-07321332" adlı dərman preparatının fərqli koronavirus variantları ilə mübarizədə əvvəlki dərmanlardan daha təsirli nəticə verə biləcəyini deyib.

Dərmanın ilkin mərhələdə virusla mübarizə üçün effektivliyi bilinir.

"PF-07321332" dərmanını xəstələrin xəstəxanaya yerləşdirilməsinə və ya kritik baxım altında olmasına ehtiyac olmadan, infeksiyanın ilkin əlamətlərində təyin oluna bilən potensial bir oral terapiya vasitəsi olaraq hazırladıq", - deyə "Pfizer"in elmi direktoru Mikael Dolsten qeyd edib.

Dərman antiviral dərman funksiyasını həyata keçirir və virusun insan orqanizmində çoxalmasının qarşısını alır. O, mart ayının əvvəlində birinci mərhələdən uğurla keçib.