Quba rayonunda ginekologiya sahəsinin inkişafında müstəsna xidmətləri olmuş, şərəfli ömür yolu keçmiş, xeyirxah və qayğıkeş insan, Quba Regional Perinatal Mərkəzinin Doğum şöbəsinin müdiri, mama-ginekoloq Lalə Qarayevanın 70 yaşı tamam olub.
Aztibb.az xəbər verir ki, mərkəzdə qocaman həkim Lalə Qarayevanın yubileyi qeyd olunub. Yığıncaqda Quba Regional Perinatal Mərkəzinin rəhbərliyi və kollektivi, eləcə də rayon Mərkəzi Xəstəxanasının direktoru iştirak ediblər.
Yubilyara 70 illiyi və əmək fəaliyyətində göstərdiyi xidmətlərə görə Quba rayon Mərkəzi Xəstəxanası tərəfindən Fəxri Fərman təqdim olunub.
Qeyd edək ki, Lalə Qarayeva Azərbaycan Tibb Universitetini bitirdikdən sonra Qubada fəaliyyət göstərməyə başlayıb. Həyatını işinə və ailəsinə həsr edən tanınmış həkim Qubanın artıq 3 nəslinin dünyaya gəlməsinə yardım edir.