Tibbi Ərazi Bölmələrinin İdarəetmə Birliyinin (TƏBİB) rəhbərliyinin tapşırığına əsasən tabeli tibb müəssisələrinin Təcili tibbi yardım şöbə həkimlərinin bilik və bacarıqlarının artırılması məqsədilə silsilə təlimlər keçirilir.
Neftçala Rayon Mərkəzi Xəstəxanasında "Yaralanmalar və yol-nəqliyyat hadisələri zamanı ilk yardım və kütləvi xəsarətlər zamanı triaj qaydaları" mövzusunda təlim keçirilib.
Bu barədə Aztibb.az-a Xəstəxanadan məlumat verilib.
TƏBİB-in təşəbbüsü ilə təcili tibbi yardım həkimləri üçün təşkil olunan bu təlimlər, kritik situasiyalarda insan həyatının xilas edilməsi, gərginliyin idarə olunması və tibbi resurslardan səmərəli istifadə baxımından müstəsna əhəmiyyət kəsb edir.
Yol-nəqliyyat hadisələri (YNH) və kütləvi xəsarətlər zamanı ilk dəqiqələr "qızıl saat" (Golden Hour) adlanır. Bu müddətdə operativ və düzgün müdaxilə ölüm və əlillik riskini dəfələrlə azaldır.
