Yaponiyanın Səhiyyə, Əmək və Rifah Nazirliyi yeni növ koronavirusun (COVID-19) müalicəsində "Baricitinib" adlı revmatoid artrit dərmanının istifadəsini təsdiqləyib.

Aztibb.az xəbər verir ki, Kyodo agentliyinin məlumatına görə, ABŞ-da "Eli Lily" şirkəti tərəfindən istehsal olunan revmatoid artrit dərmanı "Baricitinib" nazirliyin nəzdindəki ekspertlər heyəti tərəfindən təsdiqlənib.

Şirkət dekabr ayında dərmanın təsdiqlənməsi üçün nazirliyə müraciət edib.

Bundan əvvəl, ABŞ-da "Baricitinib"in oksigen cihazlarına ehtiyac duyan COVID-19 xəstələrinin müalicəsində tətbiq olunan anti-viral "Remdesivir" dərmanı ilə yanaşı istifadəsi qəbul edilmişdi.

Qeyd edək ki, Yaponiya hökuməti indiyə qədər COVID-19 müalicəsində "Remdesivir" və "Steroid deksametazon" dərmanlarını təsdiqləyib.