Darçın təbii ağrıkəsicidir, oynaq ağrılarını aradan götürür.

Aztibb.az xəbər verir ki, bu barədə diyetoloq Nərgiz Nəzirova məlumat verib.

O, bildirib ki, 1 dolu çay qaşığı toz darçını 1 dolu xörək qaşığı bal ilə qarışdırıb, üstünə 2 xörək qaşığı su əlavə edib ağrıyan oynaqlara sürtdükdə ağrılar aradan qalxır.

Diyetoloq darçının digər inanılmaz faydalarını da sadalayıb. Bildirib ki, darçının ağrı kəsməklə yanaşı, başqa faydaları da var:

- Darçın orqanizmin toksinlərdən təmizlənməsinə kömək edir;

- Qəbzlikdən əziyyət çəkənlər üçün xeyirlidir;

- Mədə ağrılarını aradan qaldırı;

- Qadınlarda menstrual ağrı zamanı müsbət təsir göstərir;

- Ağızdan pis qoxunu götürür;

- Qan xərçəngi xəstəliklərinin profilaktikası üçün yaxşı vasitələrdən biridir;

- Bağırsaq iltihablarına qarşı mübarizə aparır;

- Qanda şəkərin səviyyəsini aşağı salır;

- Orqanizmi artıq xolesterindən təmizləyir;

- Beynin fəaliyyətini və yaddaşı yaxşılaşdırır;

- Cinsi fəaliyyətə müsbət təsir göstərir;

- Hamilə qadınlar darçından istifadə etməməlidirlər.

Nərgiz Nəzirova qeyd edib ki, digər faydalı qida məhsulları kimi, darçından da qədərində istifadə etmək lazımdır. Darçının tərkibində kumarin adlı maddə var ki, orqanizm onu artıq qəbul etdikdə həmin maddə qaraciyər üçün ziyanlı ola bilər.