Rusiyada son sutka ərzində daha 8702 nəfər yeni növ koronavirusa (COVID-19) yoluxub.

Aztibb.az xəbər verir ki, Rusiyada COVID-19-a yoluxanların 4 641 390 nəfərə çatıb.

Son sutka ərzində 337 nəfərin koronavirusdan öldüyü bildirilib. Ümumilikdə koronavirusdan ölənlərin sayı 102 986 nəfərə çatıb.

Qeyd edək ki, Rusiya koronavirusa yoluxmaların sayına görə dünyada ABŞ, Hindistandan və Brazilyadan sonra dördüncü yerdə gəlir.

Gürcüstanda son sutka ərzində yeni növ koronavirusa 707 yoluxma halı qeydə alınıb, 8 nəfər ölüb.

Bu barədə Gürcüstan hökümətinin koronavirusla mübarizə çərçivəsində yaratdığı xüsusi internet saytında məlumat verilib. 

Bununla da qonşu ölkədə koronavirusa yoluxanların sayı  288 396 nəfərə, ölənlərin sayı isə 3 877 nəfərə çatıb. Virusa yoluxanlardan 277 303 nəfərin sağaldığı bildirilir.

Ermənistanda yeni növ koronavirusa yoluxanların sayı 202 817 nəfərə çatıb.

Ötən sutka ərzində daha  650 nəfər COVID-19-a yoluxub, 15 nəfər ölüb.

Bununla da Ermənistanda koronavirusdan ölənlərin sayı 3735 nəfərə çatıb. İndiyə qədər koronavirusa yoluxan və digər səbəblərdən ölənlərin sayı isə 952 nəfərdir.