Samuxda orta məktəb koronavirus infeksiyası səbəbindən distant təhsilə keçib.

Bu barədə Samux Rayon Təhsil Şöbəsinin müdir müavini Vüsal Cəfərov deyib.

Onun sözlərinə görə, rayonun Sərhəddin Əliyev adına 2 nömrəli orta məktəbin müəlliminin COVID-19 testi pozitiv çıxıb. Bu səbəbdən rayon Gigiyena və Epidemilogiya Mərkəzinin qərarına əsasən, məktəbin 14 gün müddətinə bağlanmasına qərar verilib. Təhsil ocağının 527 şagirdi təhsilini distant formada davam etdirir.

Vüsal Cəfərov qeyd edib ki, Samuxda indiyədək yaşı 50-dən yuxarı 598  müəllimin 341-i vaksinasiya olunub.