“Tibbi Ərazi Bölmələrinin İdarəetmə Birliyi” publik hüquqi şəxsin (TƏBİB) Elmi-tədqiqat və təhsil departamentinin təşkilatçılığı ilə “Azərbaycan Respublikasında COVID-19 xəstəliyi əleyhinə 2021-2022-ci illər üçün Vaksinasiya Strategiyası” çərçivəsində tibbi heyətin bilik və bacarıqlarının daha da artırılması məqsədilə növbəti təlim baş tutub.

 

Aztibb.az xəbər verir ki, tədbirdə çıxış edən TƏBİB-in Tibbi xidmətlər departamentinin rəhbəri Firəngiz Əliyeva ölkədə aparılan vaksinasiya prosesi və dövlət tərəfindən COVID-19 virusu ilə mübarizə tədbirləri çərçivəsində görülən işlər barədə məlumat verib. F.Əliyeva ölkəmizdə aparılan peyvəndləmə prosesinin yüksək keyfiyyətlə təşkil edilməsi üçün TƏBİB tərəfindən bütün zəruri tədbirlərin görüldüyünü diqqətə çatdırıb.

 

Həmçinin təlimdə iştirak edən Bakı və Abşeron xəstəxanalarının həkim və tibb bacılarına TƏBİB-in əməkdaşları tərəfindən peyvəndlərin saxlanılması qaydaları və istifadə edilməsi haqqında ətraflı məlumat verilib.