Yaz günlərində tez-tez isti və soyuq hava bir-birini əvəzləyir. Havada temperaturun belə dəyişkənliyi infarkt riskini artır. Soyuq fəsildən sonra müəyyən mülayim temperatur, havada istilik dalğalanmaları və güclü küləklər infarkta səbəb olur. Ümumiyyətlə, temperatur müsbət 14 dərəcə olduqda hər istilik dalğalanması zamanı infarkt riskinin təxminən yüzdə beş dəfə artdığı göstərilir. İstiliyin havada ani dəyişmələri səbəbindən ürək xəstəliklərinin geniş yayılmasını göstərən bir çox araşdırma var.

Aztibb.az xəbər verir ki, bununla bağlı nəticələr ürək xəstələrindən alınan məlumatların təhlilindən sonra əldə edilib. Tədqiqatçılar ürək böhranı riskinin daha yüksək temperatur dalğalanması ilə əlaqəli olduğunu müşahidə ediblər.  

Havanın belə ani dəyişmələri qan təzyiqinin artmasına, damarlarımızın daralmasına və bu səbəbdən ürək, beyin və digər orqanlara qanın daha çox getməsinə səbəb olur. Bu zaman qəfil tempertaurun aşağı düşməsi ilə soyuq havada damarlarda laxtalanma əmələ gəlir. Nəticədə ürək böhranı və insult riski də artır. Yaşlı xəstələr və kiçik uşaqlarda bədən tempraturuna nəzarət etmək çətin olduğundan ani hava dəyişmələri onları daha çox təhlükə ilə üz-üzə qoyur.

Tədqiqatçılar, eyni zamanda, havada istilik dalğalanmalarının artmasının səbəbini qlobal istiləşmə ilə əlaqələndirirlər.