Kioto və Fukui universitetlərinin alimləri itirilmiş dişlərin əvəzinə yeni yerli dişlər çıxartmağa kömək edəcək genetik mexanizm tapıblar.
Aztibb.az-ın meddaily.ru-ya istinadən məlumatına görə, müəyyən edilib ki, USAG-1 geninə qarşı anticisimlər anadangəlmə dişlərin ageneziyasından (olmaması) əziyyət çəkən siçanlarda dişlərin artmasını stimullaşdırıb.
Ayrı-ayrı dişlərin inkişafı sümük morfoqenetik zülalı (BMP) və Wnt siqnal yolu daxil olmaqla bir neçə elementin qarşılıqlı təsirindən asılıdır. Bu elementlər hələ uşaqlıqdaxili inkişaf mərhələsində bir çox toxumaların və orqanların artmasını modulyasiya edir. Bu elementlərin antaqonistinin USAG-1 genləri olduğu aşkarlanıb. Onun azaldılması dişləri bərpa etməyə imkanverir.
Alimlər USAG-1-ə qarşı bir neçə monoklonal anticisimlərin effektini yoxlayıblar. Anticisimlərdən biri BMP və USAG-1-in qarşılıqlı təsiri prosesinə xüsusilə daxil olub. Bu anticisimlərin sınaqları göstərib ki, BMP-nin siqnal fəallığı siçanlarda dişlərin sayını müəyyən etmə baxımından mühüm rolu oynayır. Anticisimin yalnız bir dəfə yeridilməsi dişin formalaşması üçün kifayət edib.