Roma şəhərində Rusiya istehsalı olan “Sputnik V” peyvəndi ilə sınaq vaksinasiyaları aparılacaq.

Aztibb.az xxəbər verir ki, yoluxucu xəstəliklər üzrə ixtisaslaşmış “Lazzaro Spallanzani” xəstəxanasında yaxın günlərdə “Sputnik V” peyvəndinin tətbiqinə başlanacaq. Bu barədə xəbəri paytaxt Roma şəhərinin yerləşdiyi Latium regionunun prezidenti Nikola Zinqaretti təsdiqləyib.

Rusiya peyvəndinin Avropada kütləvi tətbiqinə icazə verilməsi prosesi hələ yekunlaşmayıb. Lakin İtaliya bu prosesin nəticəsini gözləmədən artıq ölkə ərazisində kütləvi istehsal müəssisənin qurulmasına hazırlaşır. Peyvəndin marketinqini həyata keçirən Rusiya Birbaşa İnvestisiyalar Fondu və İsveçrədə qeydiyyatda olan “Adienne” əczaçılıq şirkəti arasında bu barədə razılaşma imzalanıb və iyun ayında Lombardiya regionunda istehsalata start verilməlidir.

İtaliya tərəfinin Rusiya istehsalı olan peyvəndə maraq göstərməsi onun effektivlik faizinin Aİ rəsmi qurumları tərəfindən icazə verilən digər peyvəndlərlə müqayisə ediləcək dərəcədə yüksək olmasındadır.