Almaniyanın Berlin şəhərində minlərlə insanın iştirakı ilə icazəsiz aksiya keçirilib.  Xarici KİV-in məlumatına görə, vətəndaşlar COVID-19 ilə bağlı tədbirlərə etiraz ediblər. 

Aksiyada əksər insanlar maska və məsafə qaydalarına riayət etməyib, bu da polisin güc tətbiq etməsi ilə nəticələnib. Vətəndaşlara qarşı gözyaşardıcı qaz, dəyənəklər və su toplarından istifadə edilib. 

Nümayişçilər polisə şüşə atıblar və jurnalistlərə hücum ediblər. 

Onlar daha sonra polisin müşaiyəti ilə ərazidən uzaqlaşdırılıb. Xeyli sayda saxlanılanların olduğu açıqlanıb.