Koronavirusun laboratoriyadan sızması versiyası təsdiqini tapmadı
19.03.2021 15:12

Laboratoriya sızması artıq koronavirusun yayılmasının versiyası olaraq qəbul edilməyəcək.

 

Aztibb.az xəbər verir ki, bu barədə "Global Times" qəzetinə müsahibəsində ÜST-ün Uhanda virusun mənşəyinin öyrənilməsi üzrə missiyasında iştirak etmiş Çin ekspertlər qrupunun rəhbəri Lyan Vannyan bildirib.

 

Mütəxəssis əlavə edib ki, əzəldən bu versiyanın ehtimalı çox az idi və ÜST ekspertləri yalnız yeni sübutlar ortaya çıxdığı təqdirdə ona qayıda bilərlər.

 

"Bu birgə tədqiqat zamanı bizim ekspertlər Hubey əyaləti və Uhan şəhərinin Xəstəliklərə Nəzarət və Profilaktika Mərkəzlərini, Uhan Virusologiya İnstitutunu və digər biotəhlükəsizlik institutlarını və laboratoriyalarını ziyarət ediblər. Müvafiq ərazilərdə çöl araşdırmalarını apardıqdan sonra ekspert qrupunun üzvləri yekdilliklə razılığa gəliblər ki, laboratoriyadan virusun sızması ehtimalı çox azdır. Beləliklə, yeni sübutlar aşkar edilməyənə qədər gələcəkdə koronavirusun mənşəyini izləmək üçün missiyalar artıq bu sahəyə diqqət yetirməyəcəklər", - deyə Lyan Vannyan müsahibədə qeyd edib.

 

Lyan Vannyan ÜST missiyasının işinin nəticələri ilə rəsmi hesabatın daha sonra dərc ediləcəyini, onun tərəfindən açıqlanan məlumatların isə Çin və xarici alimlər arasında konsensusa nail olmaq yolu ilə əldə ediləcəyini izah edib.

 

O, həmçinin xatırladıb ki, ekspertlər daha dörd bənd üzrə razılığa gəliblər: COVID-19 xəstəliyinin ən erkən hadisəsi dekabrın 8-də qeydə alınıb, Uhanda "Huanan" dəniz məhsulları bazarı xəstəliyin baş verməsində mühüm rol oynayıb, dondurulmuş məhsulların tədarükü koronavirusun yayılmasına təsir göstərə bilərdi, virus heyvan mənşəlidir və çox güman ki, insana aralıq bənd vasitəsilə ötürülüb.

 

Daha əvvəl bildirilirdi ki, beynəlxalq missiyanın üzvləri koronavirus infeksiyasının insana heyvandan, aralıq bənd vasitəsilə, dondurulmuş məhsullardan, həmçinin laboratoriyada baş verən insidentə görə ötürülməsinin dörd versiyasını işləyib hazırlamışlar.

ÇOX OXUNANLAR
Diyetoloq arıqlamaq üçün daha tez-tez gülməyi və əsnəməyi məsləhət görüb
Suyun düzgün içilməsi ilə bağlı keçmişin məsləhətləri
Sümük bulyonu arıqlamağa kömək edir
Bakı Baş Səhiyyə Mərkəzinin tabeliyindəki tibb müəssisələrinə işçilər axtarılır
Aynurə Əliyeva - Suraxanı Tibb Mərkəzinin psixoloqu
Bundan sonra işə qəbul və sürücülük vəsiqəsi əldə etmək üçün tibbi arayışlar elektron olacaq
Səhiyyə Nazirliyi akademik Zərifə Əliyevanın 101 illiyi münasibətilə fleşmob təşkil edib
8 yaşlı uşaq üzərində icbari tibbi sığorta ilə qaraciyər transplantasiyası əməliyyatı həyata keçirilib
Şəkərli diabet xəstəliyinin əlamətləri nələrdir?  
Həyata keçirdiyi hər bir proseduru dəqiqliyi ilə yoxlayan həkim - Məlahət Əzizova
Salyanda göz müayinəsi aksiyası təşkil olunub
ATU-nun əməkdaşları Beynəlxalq Sitopatoloji Konqresdə iştirak ediblər
YAP Xətai rayon təşkilatının Diaqnoz Tibb Mərkəzində yeni ərazi partiya təşkilatı yaradılıb
Psixoloq: Autizm sahəsində peşəkar mütəxəssislərin tədris prosesinə cəlb edilməsi mütləqdir - MÜSAHİBƏ
Fizioterapevt və reablitoloqların ilk konfransı təşkil olunub