ABŞ-də istifadə üçün təsdiqlənmiş COVID-19 əleyhinə üç vaksindən birinin istehsalçısı olan “Moderna” şirkəti COVID-19 əleyhinə vaksinlərini 6 yaşadək uşaqlarda sınamağa başladığını bəyan edib.

Aztibb.az xəbər verir ki, bununla da “Moderna” şirkəti COVID-19 əleyhinə üç vaksini körpələrdə sınaqdan keçirmiş ilk istehsalçı olacaq.

Şirkətdən verilən məlumata görə, bu sınaqda ABŞ və Kanadadan 7 min nəfər 6 aydan 12 yaşadək olan uşaq iştirak edəcək.

“Moderna” və “Pfizer”vaksinlərinin təcili istifadəsinə icazə Ərzaq və Dərmanlara Nəzarət İdarəsi tərəfindən hələ ötən ilin dekabrında verilıb. 12 yaşdan yuxarı uşaqları vaksinlərin klinik testlərinə cəlb etmiş əczaçılıq şirkəti müvafiq nəticələrin yayadək əldə olunacağına ümid edir.

Təcili istifadəsinə bu ilin fevralında icazə verilmiş “Johnson & Johnson” şirkətinin istehsal etdiyi vaksinlərin uşaqlar üzərində sınaqdan keçirilməsinə dair planlar hələlik açıqlanmayıb.