İsveç-Britaniya istehsalı olan “AstraZeneca” peyvəndinin daha bir fəsadı üzə çıxıb.

Aztibb.az xəbər verir ki, İsveçin baş epidemioloqu Anders Teqnelin sözlərinə görə, vaksin təkcə qan laxtalanmasına deyil, həmçinin qanaxmaya da səbəb olur.

O, bildirib ki, bu əlamət peyvənd olunduqdan 1-2 həftə sonra özünü göstərir və indiyədək Avropada 10-15 pasiyentdə bu hal müşahidə olunub.

Teqnel qeyd edib ki, vaksinin əks-təsir əlaməti çox ciddi məsələdir və bu səbəbdən İsveç “AstraZeneca”nın tətbiqini müvəqqəti dayandırır.

Xatırladaq ki, bundan əvvəl də 14 Avropa ölkəsi “AstraZeneca”dan istifadəni dayandırıb. Ümumdünya Səhiyyə Təşkilatı (ÜST) isə vaksinin əks-təsiri ilə bağlı iddiaları qəbul etməyərək istifadəsinə davam etməyi məsləhət görüb.