Fransanın Bretany (Bretagne) regionunda SARS-CoV-2 koronavirusun yeni variantı aşkarlanıb.
Aztibb.az xəbər verir ki, bu barədə ölkənin Səhiyyə Baş İdarəsi məlumat yayıb. Bildirilib ki, ilkin təhlillər yeni variantın ciddiliyi və yoluxdurma qabiliyyətinə dair nəticə çıxarmağa hələ imkan verməyib. Ancaq ehtimal olunur ki, mövcud testlər yeni ştammı göstərməyə də bilər. Kommünikedə qeyd edilib ki, yeni varianta yoluxanlar koronavirusa yoluxmağın tipik əlamətlərini əks etdirsə də test göstəriciləri neqativ ola bilər. Bu baxımdan Bretany regionunda yoluxmalarla bağlı daha ciddi diaqnostika aparılması məqsədilə tibbi heyət təlimatlandırılıb.
Lannyon xəstəxanasında 79 qrup yoluxmasından 8-nin yeni ştammdan olduğu diqqətə çatdırılıb.
Hazırda yeni variantın peyvəndə reaksiyası ilə bağlı tədqiqatlar aparılır.
