Rusiyada son sutka ərzində 10 083 nəfərdə koronavirus aşkarlanıb.

Bu barədə Rusiyada koronavirusa qarşı mübarizə çərçivəsində yaradılmış informativ portalda məlumat verilib.

Bununla da ölkədə xəstələnənlərin sayı 4 390 608-ə çatıb. Son sutkada 395 nəfərin həlak olması ilə isə virus qurbanlarının sayı 92 090-a yüksəlib.

Bundan əlavə, indiyədək 3 995 309 pasiyent sağalıb. Ölkədə 303 209 aktiv koronavirus xəstəsi var ki, onlardan da 2 300-nün vəziyyəti ağır qiymətləndirilir.

Gürcüstanda koronavirusa yoluxanların sayı sutka ərzində 268 nəfər artaraq, 274 989-a çatıb.

Bu barədə Gürcüstanda koronavirusla mübarizə çərçivəsində yaradılmış “Stopcov.ge” internet portalında məlumat verilib.

Xəstəlik səbəbindən həyatını itirənlərin sayı 5 nəfər artaraq 3 648-ə çatıb. İndiyədək 268 237 pasiyent müalicə olunaraq sağalıb. Ölkədə 3 104 aktiv koronavirus xəstəsi var. 

Ermənistanda koronavirusa yoluxanların sayı sutka ərzində 486 nəfər artaraq, 178 385-ə çatıb.

Bu barədə Səhiyyə Nazirliyinin Xəstəliklərə Nəzarət və Profilaktikası üzrə Milli Mərkəzin saytında məlumat verilib.

Xəstəlik səbəbindən həyatını itirənlərin sayı 2 nəfər artaraq, 3 255-ə çatıb. İndiyədək 166 180 pasiyent müalicə olunaraq sağalıb. Ölkədə 8 950 aktiv koronavirus xəstəsi var.