ABŞ-da aparılan yeni bir araşdırmada antibiotiklərin yeni növ koronavirusun müalicəsində müalicəvi rolu olmadığı iddia edilib.

Aztibb.az xəbər verir ki, ABŞ-ın “Pew Charitable Trusts” qeyri-kommersiya təşkilatı tərəfindən aparılan tədqiqatda bu ölkədə xəstəxanaya yerləşdirilən COVID-19 xəstələrinin 100-də 52-sinin antibiotik istifadə etdiyi məlum olub.

Araşdırmada antibiotik qəbul edən xəstələrin yüzdə 60-nın 4 gün və ya daha çox xəstəxanada yatdığı, bu nisbətin antibiotik istifadə etməyən xəstələrdə isə 100-də 20 olduğu bildirilib.

"Antibiotik təyin olunan çox az xəstədə bakterial infeksiya var”

Təşkilatın araşdırma nəticələri ilə bağlı verdiyi açıqlamada bu vəziyyətin çox narahat doğuran olduğu vurğulanıb.

Bildirilib ki, çox antibiotik istifadə edildikdə daha davamlı bakteriyaların inkişaf edəcəyi və antibiotiklə uyğunlaşacağı, nəticədə bakteriyaların "super bakteriya"ya çevriləcəyi vurğulanıb. Belə olan halda mövcud dərmanlarla müalicənin çox çətin və ya qeyri-mümkün olacağı qeyd olunub.

Açıqlamada aşağıdakı fikirlər də yer alıb:

“Antibiotiklərin COVID-19-un müalicəsində rolu olmasa da, ikincili bakterial infeksiyalardan narahat olan həkimlər koronavirus xəstələrinə antibiotik təyin edə bilərlər. Lakin antibiotik təyin olunan çox az xəstənin bakterial infeksiyaya yoluxduğu aşkar edilib ki, bu da həmin preparatlardan lazımsız şəkildə çox istifadə edildiyini göstərib”.