Gürcüstan koronavirusa qarşı mübarizə tədbirləri çərçivəsində Çindən 100 min doza vaksin almaq niyyətindədir. Artıq bununla əlaqədar Çinin “Sinofarm” şirkəti ilə danışıqlar aparılır.

Aztibb.az xəbər verir ki, bu barədə Gürcüstanın səhiyyə naziri Yekaterina Tikaradze məlumat verib.

Nazir bildirib, peyvənd Ümumdünya Səhiyyə Təşkilatı tərəfindən təsdiqlənəndən sonra Gürcüstana idxal olunacaq.

“İlkin mərhələdə birbaşa istehsalçıdan az həcmdə doza sifariş edəcəyik”, – deyə Y.Tikaradze vurğulayıb.